السلام عليكم
أهلا وسهلا بك زائرنا الكريم ، في منتدي عرب الرمل.



نؤيد سيادتك .... أحمد فؤاد نجم  Pageviews=1
FacebookTwitter

نؤيد سيادتك .... أحمد فؤاد نجم

اذهب الى الأسفل

نؤيد سيادتك .... أحمد فؤاد نجم  Empty نؤيد سيادتك .... أحمد فؤاد نجم

مُساهمة من طرف . في الثلاثاء 30 نوفمبر 2010 - 12:33

نؤيد سيادتك لفترة جديدة
نكمل خلالها المسيرة السعيدة
و بالمرة فيها نبيع الحديدة
مفيش حاجة تانية نبيعها خلاص
*****
نؤيد سيادتك لأجل المزيد
من اللي تحقق بفضلك أكيد
بقينا خلاص ع الحميد المجيد
و ربك لوحده ف ايده الخلاص
*****
نبايع سيادته ولا حد غيره كفايا علينا نبرطع في خيره
و نوم شعب مصر العظيمة و شخيرهيقول للحرامي ما تسرق كمان
*****
نبايع سيادته وابنه وحفيده مفيش زي فكره قديمه و جديده
خرابك يا مالطة حيحصل بايده ومين فيكي يعني بيسمع آذان
*****
نبوس ايد سيادتك و رجلك كمان
تخليك معانا يا ريس عشان
وجودك ضرورة فرضها الزمان
و من غير وجودك حقيقي نضيع
*****
دي مصر بتاعتك و احنا ضيوفك
كفايا علينا يا ريس نشوفك و عاذرين سيادتك
و فاهمين ظروفك
عليك بس تأمر و احنا نطيع
*****
في جزمة سيادتك كلابك يبوسو
و فوق الغلابة بجزمهم يدوسو
و شعبك ليلاتي يا ريس غموسه
مذلة و مهانة و حوجة و مر
*****
لكن يعني ما دمنا شعب انتساب
و دايما وأبدا ف حالة غياب
متعملش لينا يا ريس حساب
دي عزبة سيادتك و فيها انت حر
*****
و دستور مدستورش مش فارقة خالص
كلام فاضي كله يا فندم بناقص
كفايا علينا الفساد اللي ماصص عرقنا
و معشش و ضارب جذوره
*****
و ايه يعني تهري جتتنا البلاوي
يوماتي كوارث فضايح رشاوي
كفايا علينا القعاد في القهاوي
بنستنى لما الوريث ييجي دوره


نؤيد سيادتك .... أحمد فؤاد نجم  Twqi3-ma-1-4-2
avatar
.
مؤسس المنتدى
مؤسس المنتدى

اوسمة : مشرف متميز
المزاج : نؤيد سيادتك .... أحمد فؤاد نجم  _26
الهويات : نؤيد سيادتك .... أحمد فؤاد نجم  Painti10

http://arabalraml.arabepro.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى